लेखा समितिको सभापतिमा मोहन आचार्यलाई बनाउने तयारी

काठमाडौं, ०३ वैशाख। नेपाली कांग्रेसका सांसद मोहन आचार्यलाई प्रतिनिधिसभाको सार्वजनिक लेखा समितिको सभापति बनाउने तयारी गरिएको छ ।

नेपाली कांग्रेस, नेकपा एमाले र नेकपाको संयुक्त बैठकमा लेखा समिति सभापतिमा प्रमुख प्रतिपक्षी दलका सांसद आचार्यलाई बनाउनेबारे छलफल भएको हो ।

‘मोहन आचार्यलाई उम्मेदवार बनाउने कुरा भएको छ । केही बेरमा निर्णय लिएर उम्मेदवारी दिन्छौं’ काङ्ग्रेसका एक नेताले भने ।

आचार्य रसुवाबाट निर्वाचित सांसद हुन् ।