१४ केजीभन्दा बढी चरेससहित कपिलवस्तुमा तीन दिदीबहिनी र एक पुरुष पक्राउ

प्रहरीका अनुसार उनीहरू झोला र पटुकीभित्र लुकाइछिपाइ करिब १४ केजी ४२७ ग्राम चरेस बोकेर हिँडिरहेका थिए। अत्यधिक गर्मीका कारण चरेसको गन्ध आएपछि शंका लागेर चेकजाँच गर्दा लागुऔषध बरामद गरिएको हो । जिल्ला प्रहरी कार्यालय कपिलवस्तुका प्रहरी उपरीक्षक सन्तोष आचार्यले सीमावर्ती क्षेत्रमा लागुऔषध नियन्त्रणका लागि निगरानी कडा पारिएको बताउँदै भने, ‘सीमानजिकै हुने अवैध गतिविधि नियन्त्रण गर्न विशेष अभियान सञ्चालन भइरहेको छ। यस घटनामा संलग्न सबैमाथि कडाइका साथ अनुसन्धान भइरहेको छ।’

त्यसैगरी, प्रहरी नायब उपरीक्षक रिपेन्द्रकुमार सिंहले प्रारम्भिक अनुसन्धानबाट लागुऔषध भारततर्फ लैजान खोजिएको देखिएको जानकारी दिए। ‘गर्मीका कारण आएको गन्धका आधारमा शंका गरी चेक गर्दा ठुलो परिमाणमा चरेस फेला परेको हो। पक्राउ परेकाहरूमाथि थप अनुसन्धान जारी छ,’ उनले भने। प्रहरीले बुधबार जिल्ला अदालतबाट सात दिनको म्याद थप गरी लागुऔषधसम्बन्धी कसुरमा अनुसन्धान अगाडि बढाएको जनाएको छ।