सुकुमवासी बस्तीका दृश्य : एकातिर डोजर, अर्कातिर प्याकिङ

काठमाडौं, १२ वैशाख। शनिबार बिहानदेखि काठमाडौंका मुख्य नदी किनार आसपासका क्षेत्रमा धमाधम डोजर चलिरहेको छ । सरकारले पूर्वसूचना जारी गर्दै हिजो साँझ ७ बजेसम्म नै बस्ती खाली गराउन भनेको थियो ।

सोही अनुसार, शनिबार बिहानैबाट नेपाल प्रहरी, सशस्त्र प्रहरी र नगर प्रहरीको संयुक्त टोलीले बस्ती खाली गराइरहेको छ ।

यसैबीच बिहान थापाथली आसपासका क्षेत्रमा रहेका अव्यवस्थित रूपमा बनेका टहराहरू भत्काइएको थियो ।

दिउँसो सिनामंगल र गैरीगाउँ क्षेत्रमा पनि टहरामा डोजर लगाइएको छ । सुकुमवासी बस्तीमा डोजर चलिरहँदा केही भावुक, केही दु:खद दृश्य पनि देखिएका छन् ।