जिल्ला समन्वय समिति रुपन्देहीको जग्गा अतिक्रमणमा, हटाउन पहल सुरु

काठमाडौँ, २५ बैशाख। जिल्ला समन्वय समिति रुपन्देहीको स्वामित्वमा रहेको २ बिघा  २ कठ्ठा ९ धुर जग्गा अतिक्रमणमा परेको भन्दै खाली गराउनका लागि बुटवल उपमहानगरपालिका लाई पत्राचार गरिएको छ।

२०५० साल फागुन ११ गते तत्कालीन जिल्ला विकास समिति रुपन्देहीको नाममा दर्ता भएको उक्त जग्गा लामो समयदेखि अतिक्रमणमा परेको बताइएको छ।

बुटवल–११ देवीनगर क्षेत्रमा रहेको उक्त जग्गामध्ये वडा नम्बर ११ स्थित कित्ता नम्बर १५९ को १ बिघा  २ कठ्ठा ४ धुर तथा कित्ता नम्बर १६० को १ बिघा  १० कठ्ठा ५ धुर जग्गा अतिक्रमणमा परेको जिल्ला समन्वय समितिले जनाएको छ।