गुडिरहेको बसमै सुनको सिक्री लुट्ने समूह प्रहरीको नियन्त्रणमा

काठमाडौ, १५ जेठ। कोटेश्वर हुँदै बल्खुतर्फ जाँदै गरेको गुडिरहेको बसभित्रै एक युवतीको सुनको सिक्री लुट्ने चार जना लुटेरालाई प्रहरीले सिक्रीसहित पक्राउ गरेको छ।

गत जेठ १३ गते बेलुका बसभित्रै युवतीको घाँटीमा लगाएको सुनको सिक्री चुँडालेर लुटपाट भएको सूचना प्राप्त हुनासाथ प्रहरीले उनीहरूलाई नियन्त्रणमा लिएको हो।

घटनाको जानकारी पाएलगत्तै जिल्ला प्रहरी परिसर ललितपुर तथा मातहतको प्रहरी प्रभाग सानेपाबाट प्रहरी टोली परिचालित भएको थियो। प्रहरी टोलीले ललितपुरको सानेपास्थित रिङरोड सडक खण्डमा उक्त बसलाई रोकेर सवार यात्रीहरूको खानतलासी गरेको थियो।