अवैध रूपमा नेपाल प्रवेश गर्न खोज्दै गरेका बङ्गलादेशी नागरिक पक्राउ

काठमाडौं, ३१ जेठ । भारतको बाटो हुँदै गैरकानुनी रूपमा नेपाल प्रवेश गर्न खोज्ने एक जना बङ्गलादेशी नागरिकलाई झापामा प्रहरीले नियन्त्रणमा लिएको छ।

बङ्गलादेशको राहादानी बोकेर अनाधिकृत रूपमा सीमा पार गरिरहेका ३३ वर्षीय एमडी सैफुल इस्लामलाई प्रहरीले पक्राउ गरेको हो।

जिल्ला प्रहरी कार्यालय झापाका अनुसार शनिबार दिउँसो १२:४५ बजेको समयमा मेचीनगर नगरपालिका वडा नम्बर ६ स्थित गैरीगाउँ इलाकाबाट उनलाई नियन्त्रणमा लिइएको हो। बङ्गलादेशको चाँदपुर अन्तर्गत पर्ने तुलातोली कचुवा मनोहरपुर-३६३० स्थायी ठेगाना भएका इस्लाम, एमडी ताजुल इस्लामका छोरा हुन्।