न्यूरोडमा १६ लाख ५० हजार रुपैयाँसहित एक भारतीय पक्राउ

काठमाडौं, १० असार। साढे १६ लाख नगदसहित न्यूरोडबाट एक भारतीय नागरिक पक्राउ परेका छन् ।

पक्राउ पर्नेमा भारतको राजस्थान घर भएका ४४वर्षीय दिलिप अग्रवाल छन् । प्रहरी वृत्त जनसेवाबाट खटिएको टोलीले मंगलबार उनलाई पक्राउ गरेको हो ।

न्यूरोडमा मोबाइल होम नामक ईलेक्ट्रिक पसल सञ्चालन गरेका उनीबाट स्रोत नखुलेको उक्त रकम बरामद भएको प्रहरीको भनाइ छ ।

यसका साथै काठमाडौं महानगरपालिका–२२ प्युाखाबाट साढे ८ लाखसहित प्रहरीले नुवाकोटका २२ वर्षीय सविन तामाङ र बाफल बस्ने ७३ वर्षीय विनोद अग्रवाललाई पक्राउ गरेको छ । यो रकमको पनि स्रोत नखुलेको प्रहरीले बताएको छ ।