शंकास्पद गाडी पार्किङ प्रकरण : एमालेले भन्यो– ‘यो मण्डलेतन्त्रको राज्य आतंक हो’

काठमाडौं, ३० असार। नेकपा एमालेले मिडिया हाउस अगाडिको शंकास्पद गाडी पार्किङलाई पञ्चायतकालीन मण्डलेतन्त्रले फैलाएको राज्य आतंकको संज्ञा दिएर विरोध गरेको छ ।

प्रतिनिधिसभामा पार्टीको तर्फबाट बोल्दै एमालेका सांसद गणेशसिंह ठगुन्नाले यस्तो बताएका हुन् ।

‘मिडिया क्षेत्र र राजनीतिक नेतृत्वको कार्यलय वा घरमा सावरीसाधन तेर्साएर मानसिक त्रास फैलाउने जुन काम भएको छ’ उनले भने, ‘हेर्दा यो सांकेतिक र सानो घटना भएपनि यसको संकेत पञ्चायतकालीन मण्डलेतन्त्रले फैलाएको राज्य आतंकको सुरुवातको झझल्को हामीलाई याद आउँछ ।’

अनलाइनखबर, हिमालय टीभी र कान्तिपुर मिडिया हाउसका कार्यालयअघि सोमबार बिहान शंकास्पद रुपमा गाडी पार्किङ गरिएको थियो । गाडीहरू कार्यालय प्रवेशमा अवरोध गर्ने गरी पार्किङ गरिएको थियो ।