सांसद पौडेलमाथि मसी प्रहार, प्रहरीले अनुसन्धान सुरु

काठमाडौँ , ०८ साउन। राष्ट्रिय स्वतन्त्र पार्टी (रास्वपा)का सांसद गणेश पौडेललाई मसी प्रहार गरिएको छ । रौतहटको गढीमाई नगरपालिकाका स्थानीयवासीले सांसद पौडेललाई मसी प्रहार गरेका हुन् ।

बिहीबार राति जनतासँग भेटघाट गर्ने क्रममा त्यहाँका स्थानीय युवाले सांसद पौडेलमाथि पछाडिबाट मसी प्रहार गरेका हुन् । रौतहट निर्वाचन क्षेत्र नम्बर ४ को गढीमाई वडा नम्बर ४ मा आयोजित कार्यक्रममा सहभागी भएर फर्किने बेला मधेसी मुक्ति अभियानका कार्यकर्ताहरूले नारा लगाउँदै सांसद पौडेलमाथि कालोमसी फ्यालेका थिए । सांसद पौडेलले समेत घटनाको पुष्टि गरेका छन् ।

उनले भने, ‘राति ८ बजेको कुरा हो, कार्यक्रम सकाएर फर्किने बेला पछाडिबाट केही युवा कालो पदार्थ पछाडि फ्यालेका हुन् । उनीहरूको पहिचान पनि भइसकेको छ ।’