कर्णालीले आज पाउँदैछ नयाँ मुख्यमन्त्री, शाहीको शपथ हुँदै

सुर्खेत, १३ साउन। कर्णालीमा मुख्यमन्त्रीका रुपमा नेपाली कम्युनिस्ट पार्टी (नेकपा) संसदीय दलका नेता मंगलबहादुर शाही नियुक्त भएसँगै आज शपथ ग्रहण गर्ने कार्यक्रम रहेको छ।

यद्यपि मुख्यमन्त्रीको शपथ आज हुने भए पनि मन्त्रिपरिषद्ले भने तत्काल पूर्णता पाउने सम्भावना कम देखिएको छ। सत्ता साझेदार माओवादी केन्द्र र एमालेबीच मन्त्रालयको भागबन्डाबारे बुधबारसम्म पनि छलफल जारी रहेको स्रोतले जनाएको छ।

मुख्यमन्त्रीको दाबी पेस गर्ने क्रममा एमालेका प्रमुख सचेतक टेकराज पछाई प्रदेश प्रमुखको कार्यालय पुगेका थिए भने समर्थनपत्रमा एमाले संसदीय दलका नेता यामलाल कँडेलको हस्ताक्षर रहेको थियो।