थाइल्यान्डबाट गाँजा ल्याएका तीन भारतीय विमानस्थलमै पक्राउ

काठमाडौं, १७ साउन। थाइल्यान्डबाट ११ किलो गाँजा बोकेर आएका तीन भारतीय नागरिक पक्राउ परेका छन् ।

पक्राउ पर्नेहरूमा भारतको पन्जाब घर भएका ३० वर्षीय सोनी, सोही ठाउँका २३ वर्षीय जागरूप सिंह र हरियाणाका २२ वर्षीय साहिल छन् । उनीहरूलाई लागुऔषध नियन्त्रण ब्युरो कोटेश्वरको टोलीले पक्राउ गरेको हो ।

शनिबार राति क्याथे प्यासिफिक एअरवेजको उडानमार्फत दुई भारतीय थाइल्यान्डबाट हङकङ हुँदै त्रिभुवन अन्तर्राष्ट्रिय विमानस्थल आएका थिए । उनीहरूले ल्याएको गाँजा सिरिभ गर्न अर्का भारतीय विमानस्थल पुगेका थिए ।

तीनै जनालाई पक्राउ गरेर प्रहरीले लागुऔषधको कसुरमा अनुसन्धान अघि बढाएको छ ।