चिनीको मूल्य बढेर १२० पुग्यो, उपभोक्ता समितिको बैठक छलफलै नगरी स्थगित

काठमाडौं, ०१ भदौ। चिनीको सहज आपूर्तिका सम्बन्धमा छलफल गर्ने गरी तय भएको संसदीय समितिको बैठक स्थगित भएको छ ।

प्रतिनिधिसभा अन्तर्गत्को उद्योग तथा वाणिज्य र श्रम तथा उपभोक्ता हित समितिले यो विषयमा छलफल गर्न आज बिहान १० बजे बैठक राखेको थियो ।

जहाँ उद्योग, वाणिज्य तथा आपूर्ति मन्त्री गौरी कुमारी र उद्योग, वाणिज्य तथा आपूर्ति मन्त्रालयका सचिव नारायणप्रसाद शर्मा दुवाडी आमन्त्रित थिए । संसदीय समितिका समिति सदस्यहरूका अलावा चिनीको सहज आपूर्तिसँग सम्बन्धित  सरोकारवालाहरू पनि रहने भनिएको थियो ।

तर विशेष कारणवश स्थगित भएको भनेर समिति सचिवालयले सूचना निकालेको छ ।

पछिल्लो समयमा चिनी मूल्यवृद्धि भएको छ । यसप्रति उद्योगी र व्यापारी आरोप–प्रत्यारोपमा रहेका छन् । तर मूल्यवृद्धिले उपभोक्ता मारमा परेका छन् । खुद्रा बजारमा प्रतिकिलो ९५ रुपैयाँ रहेको चिनीको मूल्य १ सय २० सम्म पुगेको छ ।