बञ्चरेडाँडा ल्यान्डफिल साइट : प्रभावित क्षेत्रका जनप्रतिनिधिसँग सरकारको छलफल

बञ्चरेडाँडामा विगत ४ वर्षदेखि फोहोर विर्सजन गर्न थालियएको हो । यसअघि सिसडोलमा विसर्जन हुने गरेको थियो ।

वैज्ञानिक प्रविधिबाट व्यवस्थापन गर्नेगरी बञ्चरेडाँडामा स्यानेटरी ल्यान्डफिल साइट तत्कालीन शहरी विकास मन्त्रालयले १ अर्ब बढी लागतमा बनाएको हो । तर फोहोर खनाउन थालिएको चार वर्षमै ल्यान्डफिल साइट भरिएको छ ।

२० वर्षका लागि बनाइएको ल्यान्डफिल साइटमा फोहोरको चुली बनेको छ । उपत्यकासहित २१ वटा पालिकाको फोहोरले बञ्चरेडाँडा पनि सिसडोल झैं डम्पिङ साइट भएको छ । ल्यान्डफिल साइटको व्यवस्थापन भने काठमाडौं महानगरपालिकाले गर्दै आएको छ । हाल फोहोरको चुलीबाट लिच्चड बगिरहेको छ । ड्याम्प भरिएर लिच्चड खोलामा मिसिएको छ । स्थानीयले फोहोर र मान्छे सँगै नराख्न माग गरिरहेका छन् ।