जेलबाट भागेका व्यक्ति गोंगबुमा पक्राउ, ८६५ ग्राम नक्कली सुनसहित नियन्त्रणमा

काठमाडौं, २८ भदौ।  नक्कली सुनलाई सक्कली भन्दै १ करोड ३९ लाख ठगी गरेको आरोपमा एक जना पक्राउ परेका छन् ।

पक्राउ पर्नेमा ओखलढुंगाको सिद्धिचरण नगरपालिका–१ घर भइ काठमाडौं नयाँ बसपार्क बस्ने २८ अनिष थापा मगर छन् ।

उनलाई प्रहरी प्रभाग गोंगबु नयाँ बसपार्क खटिएको टोलीले पक्राउ गरेको हो ।

उनले नक्कली सुनलाई सक्कली सुन भन्दै १ करोड ३९ लाख रुपैयाँ ठगी गरेका थिए ।

उनीबाट नक्कली सुन ८६५ ग्राम समेत बरामद गरिएको जिल्ला प्रहरी परिसर काठमाडौंका एसपी दानबहादुर थापाले बताए ।

पक्राउ परेका उनीविरुद्ध काठमाडौं जिल्ला अदालतबाट ५ दिनको म्याद थप भएको छ । उनी बलात्कार कसुरमा कारागार चलान भएका व्यक्ति हुन् । जेनजी आन्दोलनमा उनी नख्खु कारागारबाट फरार भएका थिए ।