नेपाल भारत सीमा हुँदै गाईगोरुको तस्करी, १० वटा गाईगोरु नियन्त्रणमा

रौतहट,१२ कात्तिक।  नेपालबाट भारततर्फ तस्करी गरी लैजाँदै गरिएका १० वटा गाई गोरु बरामद गरिएको छ । भारतीय सीमा सुरक्षा बल (एसएसबी) र स्थानीय प्रहरीले संयुक्त रूपमा ती गोरु बरामद गरेका हुन्।

बारासँग जोडिएको भारतको बिहारस्थित मोतिहारीमा तैनाथ एसएसबीको ७१औँ बटालियनअन्तर्गत ई–कम्पनी बेलदरवामठ र आदापुर प्रहरीले बिहीबार बिहान करिब २ : १५ बजे संयुक्त रूपमा सीमा क्षेत्रमा निगरानी गर्ने क्रममा उक्त गाई गोरु बरामद गरेका हुन्।

प्राप्त सूचनाका आधारमा सञ्चालन गरिएको संयुक्त गस्ती टोलीले भारतको इनर्वा (लरहाटोला) गाउँनजिकै नेपाल–भारत सीमा स्तम्भ नम्बर ३८४–१८ बाट भारतीय भूमितर्फ करिब ५० मिटरको दूरीमा गाई गोरु फेला पारेको एसएसबी ले जनाएको छ।