जनता आवास कार्यक्रमको अवस्था चिन्ताजनक देखियो : मन्त्री साह

शहरी विकास मन्त्री प्रभु साहले जनता आवास कार्यक्रमको अवस्था चिन्ताजनक देखिएको बताएका छन् । बुधबार शहरी विकास मन्त्रालयले आयोजना गरेको जनता आवास कार्यक्रम सम्बन्धी अन्तरक्रिया कार्यक्रममा बोल्दै मन्त्री साहले जनता आवास कार्यक्रमको अवस्था चिन्ताजनक रहेको बताए । मन्त्रालयले बुधबार सातवटै प्रदेशको भौतिक पूर्वाधार विकास मन्त्री, राष्ट्रिय योजना आयोगका उपाध्यक्ष, मन्त्रालयका सचिवहरु लगायतका सरोकारवालाहरुसँग जनता आवास कार्यक्रम सम्बन्धी अन्तरक्रिया कार्यक्रम राखेको थियो ।

मन्त्री साहले जनता आवास कार्यक्रमको निम्ति पैसाको कुनै कमि नुहने पनि स्पष्ट पारे ।