चोरी बाइक प्रहरीले लगायो सवारी धनिको जिम्मा

वर्तमानकाल संवाददाता । रौतहट । माघ २८ गते
गरुडा प्रहरीले चोरी मोटरसाइकिल बरामद गरिे धनिको जिम्मा लगाएको छ । गत माघ १६ गते ईलाका प्रहरी कार्यालय गरुडा रौतहटबाट प्रहरी निरिक्षक राम राजा केशरीको कमाण्डमा खटिएको प्रहरी चेकिङ्ग टोलीले जिल्ला रौतहट गरुडा न.पा.वडा नं.५ स्थित कटहरीया झाझपुल जाने सडकखण्डमा सवारी साधनलाई चेकजाँच गर्ने क्रममा कटहरीया देखि झाझपुल तर्फ जानको लागी आउँदै गरेको १ जना नामथर वतन नखुलेको पुरुष मानिसले प्रहरी टोलीलाई देख्ना साथ प्रदेश ३–०३–००१ प २४४८ नं.को २२० सि.सि.को ईन्जिन नं. डिकेवाइसिके ५८६५९चेसिस नं. ःडि२ए१३इवाइ७केसिसि ८३८०५ पल्सर मोटरसाईकल छाडी भागेकोमा उक्त मोटरसाईकल प्रहरी टोलीले बरामद गरेको थियो । इप्रका गरुडामा ल्याई राखी धनि पत्ता लगाउँदा उक्त मोटरसाईकल गत माघ ७ गते बेलुकी अन्दाजी ०७ः३० बजेको समयमा जिल्ला मकवानपुर हेटौडा न.पा.वडा नं.१० भुटनदेवी रोड स्थितमा पार्किङ्ग गरी राखेको अवस्थामा चोरी भएको थियो । मोटरसाईकल धनि जिल्ला सर्लाही लालबन्दी न.पा.वडा नं.३ घर भई हाल जिल्ला मकवानपुर हेटौडा न.पा.वडा नं.४ हुप्राचोरमा बस्ने बर्ष ३३ को करण साहलाई बुधवार जिम्मा लगाई पठाईएको प्रहरी निरिक्षक रामराजा केसरीले जानकारी गराउनु भएको हो ।वर्तमानकाल संवाददाता