इशनाथमा भेटियो नवजात शिशुको शव

वर्तमानकाल संवाददाता । रौतहट । फागुन ०१ गते
रौतहट जिल्लाको दक्षिणी भेग इशनाथ नगरपालिकामा एक जना नवजात शिशुको शव फालिएको अवस्थामा भेटिएको छ । सो नगरपालिकाको वडा नम्बर ९ लवत्नाको डूमरियास्थित सडक किनारबाट एक नवजात शिशुको शव बरामद भएका प्रहरीले जनाएको छ । शुक्रवार दिउँसो ३ बजेको समयमा उक्त मृत शिशुको सव बरामद भएको प्रहरीको भनाइ रहेको छ । बरामद शिशुको सव पोष्टमार्टमको लागी गौर अस्पतालमा ल्याइएको डिएसपी भरत श्रेष्ठले बताउनुभयो ।