पत्रकार तथा लेखक सम्झना पौडेल ट्रान्सपरेन्सी इन्टरनेशनल लेखनवृत्तिबाट सम्मानित

वर्तमानकाल संवाददाता । रौतहट । फाल्गुण ०३ गते
ट्रान्सपरेन्सी इन्टरनेशनलले पत्रकारिता क्षेत्रमा लामो समयदेखी सक्रिय रहेकी पत्रकार तथा लेखक सम्झना पौडेललाई सम्मान गरेको छ ।
ट्रान्सपरेन्सी इन्टरनेशनल नेपाल– पुननिर्माण र पुर्नस्थापना लेखनवृत्तिबाट स्वतन्त्र पत्रकार पौडेलसहित १४ जना सम्मानित हुनुभएको छ ।
नेपाल पत्रकार महासंघको केन्द्रिय कार्यालय काठमाडौंमा आज आयोजित एक कार्यक्रमकाबीच विगत लामो समयदेखी विभिन्न सञ्चार माध्यममा आवद्ध भइ हाल प्रेस काउन्सिल नेपालमा कार्यरत पत्रकार पौडेललाई सम्मानित गरिएको हो ।
आफना कलमको माध्यमले पत्रकारिता क्षेत्रमा पुरयाएको योग्दानलाई उच्च मुल्यांकन गर्दै ट्रान्सपरेन्सीले पौडेललाई सम्मान गरेको हो ।
पुरस्कारले झन मेरो पत्रकारिताप्रतिको प्रेम, लगाव र मेहनतलाई शसक्त बनाएको भन्दै पत्रकार पौडेलले आफना जोश, जागरलाई सदैव कलम र आवाजको माध्यमबाट बुलन्द बनाइ राख्ने बताएकी छिन ।
पत्रकारिता क्षेत्रको गरिमा र इज्जतलाई आफु सदैव बाचाई राख्ने समेत उनले बताईन ।
रेडियोबाट पत्रकारिता सुरुवात गरेकी पौडेल टेलिभिजन, अनलाईन र पत्रिकामा समेत काम गर्दै अहिले प्रेस काउन्सिल नेपालमा कार्यरत रहेकी छिन ।
पछिलो समय पौडेल समसामयिक विषयवस्तुमा खुलेर लेख्दै आएकी छिन भने बालबालिका र महिलाको क्षेत्रमा समेत निरन्तर कलम चलाउँदै आएकी छिन ।