वर्तमानकाल संवाददाता । गढिमाइ । फाल्गुण ८ गते
रौतहट जिल्लाको गढिमाइ नगरपालिमा नेपाली काँग्रेसको पार्टी प्रवेश कार्यक्रम सम्पन्न भएको छ । शुक्रबार फेरी पाँचौ पटक कम्युनिष्ट पार्टी ओली समूह र जनता समाजवादी पार्टी प्रत्याग गरि नेपाली काङ्ग्रेसमा प्रवेश गरेको गढिमाइमा नगरप्रमुख श्याम यादवले जानकारी गराउनु भयो । गढीमाई नगरपालिका वार्ड ३ को आयोजनामा हजारौं संख्या जसपा र नेकपा पार्टी त्याग गरी आएका नवप्रवेसीहरु लाइ नेपाली कांग्रेसका केन्द्रिय उप सभापति विमलेन्द्र निधि , जिल्ला सभापति कृष्ण प्र. यादव र विघटित प्रतिनिधि सभा सदस्य देव तिमिल्सिनाले माला र टीका लगाई पार्टी प्रवेश गराउनु भएको थियो । सबै नव प्रवेशलाई बधाई तथा हार्दिक शुभकामना समेत दिइएको थियो । यस अवसरमा चन्द्रपुरका नगरप्रमुख रामचन्द्र चौधरी , बृन्दावनका मेयर रामस्नेही यादव सहित नेता कार्यकर्ताहरु उपस्थिती रहेको थियो ।
गढिमाइमा काँग्रेसको पार्टी प्रवेश कार्यक्रम,नेता निधिले गराए प्रवेश
