जिप्रका रौतहटमा दर्ज्यानी चिन्ह सुशोभन कार्यक्रम सम्पन्न

वर्तमानकाल समाचारदाता । रौतहट । फाल्गुन १५ गते
जिल्ला प्रहरी कार्यालय रौतहटमा बढुवा भएका प्रहरी कर्मचारीहरुलाई दर्ज्यानी चिन्ह सुशोभन कार्यक्रम सम्पन्न भएको छ ।
प्रहरी प्रधान कार्यालय, मानवश्रोत एवं प्रशासन विभाग कर्मचारी प्रशासन शाखा नक्शाल काठमाण्डौको चलानी नम्बर ४०३० र ४०३१ को पत्रले यही फाल्गुन १३ गते प्रशासन तर्फको प्रहरी हवलदार पदबाट प्रहरी सहायक निरीक्षक पदमा र संचार तर्फको प्रहरी जवान पदबाट प्रहरी हवलदार पदमा पदोन्नती तथा पदस्थापन गरिएको हो । पदोन्नती तथा पदस्थापन भएका प्रहरी कर्मचारी (जु.प्र.अ. तथा प्र.ह.) हरुलाई जिल्ला प्रहरी कार्यालय, रौतहटका कार्यालय प्रमूख प्रहरी उपरीक्षक शिद्धी विक्रम शाहबाट दर्ज्यानी चिन्ह सुशोभन कार्यक्रम सम्पन्न भएको हो । सोही अवसरमा बढुवा हुनु भएका प्रहरी सहायक निरीक्षक, प्रहरी हवल्दार तथा उपस्थित प्रहरी कर्मचारीहरुलाई कार्यालय प्रमूख प्रहरी उपरीक्षक शिद्धी विक्रम शाहद्धारा अमुल्य निर्देशन समेत दिईएको जिप्रका रौतहटले जनाएको छ ।