रौतहटको गुजरामा रक्तदान कार्यक्रम सम्पन्न

वर्तमानकाल समाचारदाता । रौतहट । फाल्गुन १५ गते
रौतहटको गुजरा नगरपालिकामा शुक्रबार रक्तदान कार्यक्रम सम्पन्न भएको छ । रौतहटको गुजरा नगरपालिकाको वडा नम्बर २ स्थित स्वास्थ्य चौकीमा शुक्रबार सो रक्तदान कार्यक्रम सम्पन्न भएको आयोजन युनाइटेड युवा क्लवका अध्यक्ष विर बहादुर पुलामीे बताउनु भयो । रक्तदान जीवन दान भन्ने मुल नाराका साथ आयोजना गरिएको सो रक्तदान कार्यक्रममा स्थानिय युवा , समाजसेवी तथा क्लवका पदाधिकारीहरुले रक्तदान गरेका थिए । अस्पतालको बेडमा छटपटाइ रहेका बिमारीहरुलाई रगतको अभावमा हुन सक्ने दुर्घटनाबाट जोगाउन आफुहरुले रक्तदान कार्यक्रम सञ्चालन गरेको आयोजक पदम कुमार श्रेष्ठले बताउनु भयो । रगत अभावका कारण रगतको खोजीमा दौडधुप गर्नु पर्ने बाध्यात्मक परिस्थितीलाई मध्यनजर गरि क्लवले रक्तदान कार्यक्रम गर्नु परेको बिक्रम अस्थानीले बताउनु भयो ।