सर्लाही घटना : प्रहरीमाथि आक्रमण, पूर्वसांसद फरार

यादव घटनास्थलमा पुगेपछि उनीसँगै गएका व्यक्तिहरूले प्रहरीलाई घेरेर आक्रमण गरे । यादव नेतृत्वको समूहले प्रहरीलाई आक्रमण गरेर ट्याक्टर भगाएको एसपी पौडेलले बताए । उनले भने– ‘उहाँहरूले तथानाम गाली गर्दै प्रहरीलाई आक्रमण गर्नुभएको थियो, त्यसबारे अनुसन्धान हुँदैछ ।

कुटपिटमा संलग्न दुई जनालाई प्रहरीले पक्राउ गरेको छ । पक्राउ पर्नेमा यादवका भतिज कविलासी नगरपालिका–१० सलेमपुर घर भएका १९ वर्षीय विक्रमकुमार यादव र भाञ्जा भारतीय नागरिक २१ वर्षीय प्रियाङ्शु यादव छन् । उनीहरू विरुद्ध प्रहरीले अभद्र व्यवहार कसुरमा म्याद लिएर अनुसन्धान गरिरहेको छ । पूर्वप्रदेश सांसद यादव पनि सलेमपुरका स्थानीय हुन् ।