बाघको आक्रमणबाट एक जनाको घटनास्थलमै मृत्यु

चितवन ,१८ कात्तिक। भरतपुर महानगरपालिका–२७ स्थित राधाकृष्ण सामुदायिक वनको बेथरी खोलानजिक बाघको आक्रमणबाट एक जनाको मृत्यु भएको छ ।

मगलबार दिउँसो १४:०० बजेको समयमा निउरो टिप्न गएका चार जनामध्ये भरतपुर महानगरपालिका–२७ बस्ने ४६ वर्षीय भीम महतोलाई बाघले आक्रमण गरी लगेको थियो ।

घटनाबारे निजसँगै गएका साथीहरूले सोही दिन १७:४५ बजे इलाका प्रहरी कार्यालय दिव्यनगर, चितवनमा जानकारी गराएका थिए ।