ट्रकले किच्दा कपिलवस्तुमा तीन जनाको घटनास्थलमै मृत्यु

काठमाडौँ, १३ साउन। कपिलवस्तुको तौलिहवा बहादुरगंज सडक अन्तर्गत महाराजगंज नगरपालिका वडा नम्बर २ गैडहवा चोक नजिकै ट्रकले किच्दा ३ जनाको मृत्यु भएको छ ।

बुधबार बिहान तीब्र गतिमा रहेको मदिरा लोड गरेको ट्रकले किच्दा स्थानीय १२ वर्षीय आनन्द कस्यप, महाराजगंज नगरपालिका ३ का ७५ वर्षीय भोलई कुर्मी र ४५ वर्षीय बिजयकुमार गुप्ताको मृत्यु भएको प्रहरीले जानकारी गराएको छ ।