मेयर संतोष मेहताले विकास निर्माणको कामलाई दिए तिव्रता

स्मिथ रजक । रौतहट । भदौ २३ गते
रौतहट जिल्लाको दक्षिणी भेग ईशनाथ नगरपालिकाका मेयर संतोष मेहताले विकास निर्माणको कार्यलाई तिव्रता दिएका छन । नगर प्रमुख मेहताले यतिखेर आफना नगरमा सडक निर्माण, सडक ढलान, भौतिक पुर्वाधार निर्माण, बिधालयमा भवन निर्माणको साथै, नाला,बिजुली बतिको पनि विस्तार लगाएतका कार्य धमाधम गर्न थालेका छन । नगर प्रमुख मेहताले सडक, पुर्वाधार निर्माण लगाएत कार्यलाई विशेष प्राथमिकता दिएका छन । मेयर मेहताले ईशनाथ नगरपालिका वडा नम्बर ७सानो घिउरा टोल देखि घिउरा पोखर सम्म लगभग डेढ कि.मि. कालो पिच रोड निर्माण गराउदै हुनुहुन्छ । त्यस्तै मेयर मेहताले लाखौको लागतमा सडक ढलान कार्य सम्पन्न भएको बताए । लामो समयदेखी सडक जिर्ण हुँदा सर्वसाधारणलाई आवत जावत गर्न ठुलो कठिनाई हुँदै आएको देखेर मेयर मेहताले गाउँको मुख्य मुख्य बाटोलाई ढलान गराएका हुन । सडक ढलान भएपछि स्थानीयहरु उत्साहित भएका छन सर्वसाधारणलाई आवत जावत गर्न समेत सहज भएको छ । जनताको इच्छा र चाहना अनुसारको काम गर्दै जाने आफनो योजना रहेको मेयर मेहताले बताएका छन । जनताको आवश्यक्तालाई पुरा गर्न आफु कुनै पनि शर्तमा पछाडि नपर्ने उनले बताएका हुन ।