लागु औषध गाँजा र ट्रक सहित २ जना पक्राउ

राैशन कुमार चाैधरी ।
कार्तिक २६ गते । राैतहट
जिल्ला प्रहरी कार्यालयबाट खटिएको प्रहरी टोलीले आज विहान ९:५० बजेको समयमा विशेष सूचनाको अधारमा गौर नगरपालिका वडा नं.४ गढवा टोल स्थित शिवाङगी पेट्रोल पम्म अगाडी गौर-चपुर सडक खण्डमा रोकी राखेको ना.६ ख-५९४३ नं.को आईचर ट्रक चेकजाँच गर्ने क्रममा ट्रकको चेचिसको भागमा फल्स बटम बनाई प्लाष्टिकले वेरेको १२ पोका १८६ किलो लागु औषध गाँजा सहित दुइ जना व्यक्ति फेला परेको छ । उक्त गांजा बरामद गरी ट्रक र जिल्ला मकवानपुर थाहा नगरपालिका वडा नं.१२ वस्ने भिम बहादुर गोलेको छोरा अं.वर्ष २५ को ट्रक चालक सुरेन्द्र गोले र ईन्द्रमान तामाङको छोरा वर्ष १९ को रित्तम तामाङ समेतलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय राैतहटले जानकारी दिएकाे छ ।