सरकारी मोटरसाईकल चोरी गर्ने तिन जना रौतहटबाट पक्राउ

बर्तमानकाल सम्वाददाता
रौतहटबाट सरकारी नम्बरको मोटरसाईकल चोरी गर्ने तिन जना चोरका गिरोह पक्राउ परेका छन । गत असोज २९ गते जिल्लाको गौर नगरपालिका वडा नं। १ कृष्ण मन्दिर नजिक राज प्रिन्टिङ प्रेसको अगाडी फतुवा विजयपुर नगपालिकाको कार्यालयको नाममा दर्ता रहेको ना.१ ब ३७९० नम्बरको पल्सर मोटरसाईकल पार्किङ्ग गरी राखेको अवस्थामा चोरी भएको थियो ।
उक्त मोटरसाईकल खोजतलस गर्ने क्रममा मंगलबार प्रहरीले उक्त मोटरसाईकल फेला पारेको जिल्ला प्रहरी कार्यलय रौतहटका डिएसपी दमोदर केसिले जानकारी दिनु भयो ।
गौर नगरपालिका वडा नं. ५ स्थितबाट मोटरसाइकलसहित ३ जनालाई नियन्त्रणमा लिएको डिएसपी केसिले बताउनु भयो ।
सरकारी नम्बर पलेट हटाई हाल परिवर्तन गरी बि.आर ३० क्यू ४८६८ नम्बरको भारतिय प्लेटको मोटरसाईकल प्रयोग गरेको र चेकजाँच गर्ने क्रममा उनिहरुलाई मोटरसाईकल सहित पक्राउ गरी आवश्यक कार्वाहीको लागी रौतहट जिल्ला अदालतबाट म्याद थप गरी थप अनुसन्धान अगाडि बढाईएको जिल्ला प्रहरी कार्यालय रौतहटले जानकारी दिए ।