चट्याङ लागेर रोल्पामा एक महिलाको मृत्यु

 रोल्पा, ०३ चैत। रोल्पामा चट्याङ लागेर एक महिलाको मृत्यु भएको छ । सुनिलस्मृति गाउँपालिका–७ तेबाङ भैसिपुरेकी २४ वर्षकी कृष्णा पुनको सोमबार दिउँसो मृत्यु भएको हो ।

ढुंगा र माटोले बनेको  दुईतले घरमा चट्याङ लागि पुनको मृत्यु भएको जिल्ला प्रहरी कार्यालय रोल्पाले जनाएको छ । टिनको छानो भएको घरमा बसिरहेको बेला चट्याङ परेको थियो । घटनाबारे प्रहरीलाई गाउँलेले फोनमार्फत सूचना दिएका थिए ।