बिमलेश कुमार झा
२० भदौ,रौतहट।
रौतहट निर्वाचन क्षेत्र नम्बर १`क´को प्रदेश सभा सदस्य उमेदवार सिफारिस भएको डा.सोहैल तैयबले जनताको सेवा गर्न राजनीतिकमा होमेको बताएका छन्।
नेकपा एकीकृत समाजवादीको क्षेत्रीय बैठकले डा.तैयबलाई निर्वाचन क्षेत्र नम्बर १`क´को प्रत्यक्षबाट प्रदेश सभा सदस्य उम्मेदवारका लागि नाम सिफारिस गरेको हो।
डाक्टर तैयबले पाकिस्तानबाट एमबीबीएस र श्रीलंकाबाट एम.एस.गरेका हुन्।
उनले जेनरल फिजिशियन एण्ड सर्जन डाक्टर हुन्।
गौर नगरपालिकाको वडा नम्बर १ स्थित डाक्टर तैयब मेमोरियल हस्पिटल प्रालि संचालन गरि विगत लामो समय देखि सेवा गर्दै आएका डा.तैयब अब जनताको सेवा गर्ने निधो गरेका छन्।
पत्रकारसँग संक्षिप्त कुराकानी गर्दै डाक्टर तैयबले हाम्रो हस्पिटलमा रुदै आएका बिरामीलाई हास्दै पठाएको बताए। `उनलेे भने´मैले कुनै बिरामीले दिएको पैसा अहिलेसम्म गन्ती गरेर राखेको छैन्।
विगत लामो समय देखि हस्पिटलमा आएका बिरामीलाई मात्रै सेवा गरे अब पुरै क्षेत्रको जनताको सेवा गर्ने मौका आएको छ `उनले भने´।
उनले चुनाव घोषणा भए देखि घरदैलो कार्यक्रममा अग्रसर भएका हुन्। २२ वटा गाविस रहेका क्षेत्र नं १`क´ मा पुरै गाविसको घरदैलो सम्पन्न गरि पून: दोस्रोपटकको घरदैलो कार्यक्रम गरिरहेको उनलेे बताएका छन्।
