रौतहत, कार्तिक ४। तीन वर्षदेखि बन्द रहेको विद्यालयका सञ्चालकलाई नेशनल प्याब्सन (एनप्याब्सन) पर्साको सचिव बनाउनुको परिणाम यतिबेला संगठन बदनाम हुने अवस्थामा पुगेको छ ।
क्याम्ब्रिज एजुकेशनल इंगलिश बोर्डिङ्ग स्कुलका संचालक तथा प्राचार्य प्रमोद रायमाझीको आफ्नो स्कुल बन्द अवस्थामा भएपनि संगठनमा आवद्ध अन्य स्कुलमाथि थिचोमिचो गर्ने र अवैध रुपमा रकम असुली गर्ने गरेको संगठनमा आवद्ध एक स्कुलका सञ्चालकले बताए ।
उनका अनुसार रायमाझीले संगठनभित्र भाडभैलो मच्चाउन तथा संगठनको विधि र पद्धतिविपरितका कामहरु गरेर संगठनलाई बदनाम बनाउन खोजेको भन्दै संगठनभित्रकै व्यक्तिहरुले आपत्ती जनाएका छन् ।
स्कुल नै नरहेको व्यक्तिलाई संगठनको पदाधिकारीमा राख्न नहुने र तत्काल उनलाई सचिवबाट बर्खास्त गर्नको लागि संगठन भित्र छलफल भइरहेको नाम नछाप्ने सर्तमा एक स्कुलका संचालकले बताए ।
निजि तथा आवासिय विद्यालय संगठनको बिद्यानमै स्कुल नरहेको व्यक्तिलाई संगठनको कुनै पनि पदमा राख्न नहुने प्रावाधान रहेपनि बिद्यान बिपरित रायमाजीलाई संगठनको पदाधिकारी बनाएको पाइएको हो ।