रौतहट, ११ पुस I रौतहटमा सशस्त्र प्रहरी र नेपाल प्रहरीले ठुलो मात्रामा भारतीय गाड़ी सहित मदिरा बरामद गरेका छन ।
आइतबार राती करिब साढे ९ बजेको समयमा नेपालबाट भारत तर्फ जादै गरेको BR 29S 9404 नं. को भारतिय बोलेरो गाडिमा अबैध रूपमा राखिएको लाखो मूल्य बराबरको मदिरा प्रहरीले बरामद गरेको छ ।
रौतहटको राजदेवी नगरपालिका वडा नं ९ ब्रहम्पुरी स्थित बि. ओ. पि. बेलबिछवाको सहायक प्रहरी निरिक्षक उमेश ढकालको कमाण्डमा खटिएको ५ जना प्रहरी जवान र प्रहरी चौकि बेलबिछवाको प्रहरी सहायक निरिक्षक किशोर ठाकुरको कमाण्डमा खटिएको २ जना प्रहरी जवानका संयुक्त टोलीद्वारा उक्त मदिरा सहितको गाड़ी प्रहरीले नियन्त्रणमा लिएको हो।
प्रहरीको उक्त संयुक्त टोलीद्वारा चेक प्वाईन्ट थापी चेक जाँच गर्ने क्रममा अवैध रुपमा नेपालबाट भारत तर्फ लग्दै गरेको करिब एक लाख बिस हजार बराबरको १ सय १८ कार्टुन सोफी मदिरा र अन्दाजी ५ लाख मूल्य बराबरको गाडि गरि जम्मा ६ लाख २० हजार बराबरको सोफी मदिराहरु र गाडि छाडी व्यक्ति फरार भएको थियो । नियन्त्रणमा लिएको उक्त सोफी मदिरा सहित गाडि गौर भन्सार कार्यालय बुझाउने प्रकृयामा रहेको ईलाका प्रहरी कार्यालय रौतहटले जानकारी दिएका छन I
