रौतहट,१५ पुस I मकवानपुरकाे बकैया गाउँपालिका ५ तिनतलेमा सिमेन्ट बाेकेकाे ट्रकले माेटरसाइकललाई ठक्कर दिँदा एक जनाकाे ज्यान गएकाे छ ।
दुर्घटनामा माेटरसाइकल चालक हेटाैँडा उपमहानगरपालिका १८ फुर्केचाैरका ३० वर्षीय विक्रम भम्जनकाे ज्यान गएकाे प्रहरीले जनाएकाे छ ।
दुर्घटनामा घाइते भएका भम्जनकाे उपचारका क्रममा चुरेहिल अस्पतालमा ज्यान गएकाे जिल्ला प्रहरी कार्यालय मकवानपुरका प्रहरी नायब उपरीक्षक टेकबहादुर कार्कीले जानकारी दिनुभयाे । दुर्घटनामा घाइते भएका चारमध्ये एक जनाको ज्यान गएकाे हाे ।
हेटौँडाबाट फापरबारी जाँदै गरेको ना २२ प ९९७७ नम्बरको मोटरसाइकललाई त्यही दिशातर्फ जाँदै गरेको ना ७ ख १३५२ नम्बरको ट्रकले ठक्कर दिएकाे थियाे । घाइतेहरूकाे हेटाैँडा अस्पतालमा उपचार भइरहेकाे छ I
