पवन कुमार उपाध्याय
रौतहट,१७ पुस । राैतहटकाे पिपरा भगवानपुरबाट आइतबार ९१ किलाे लागुऔषध गाँजा पक्राउ गरेकाे छ ।
आइतबार विहान रौतहट प्रहरीले सुचना को आधारमा राजपुर नगरपालिका वडा नं.१ पिपरा भगवानपुर स्थित पिपरा टोलमा गाडीमा अवैध लागुऔषध गाँजा छ भन्ने विशेष सूचनाका आधारमा साे स्थानमा खन्तालासी गर्दा साे परिमाणकाे गाजा नियन्त्रणमा लिइएकाे छ भने जिल्ला प्रहरी कार्यालय राैतहटले जनाएकाे छ ।
जिल्ला प्रहरी कार्यालय, रौतहट, गौरबाट खटेका प्रहरी टोलीले साेही स्थानमा रोकी राखेको जे -एच,१० एक्स ४२१२ नम्बरको सेतो बलोरो गाडीमा खानतलासी गर्दा अन्दाजी ९१ किलो (१३ पोका) अवैध लागु औषध गाँजा फेला परेको रौतहट प्रहरीले जनाएकाे छ ।
सोही स्थानबाट अन्दाजी १० मिटर दक्षिण तर्फ बिआर ३० यु ०४७४ नम्बरको मोटरसाईकल समेत बेवारीसे अवस्थामा फेला परेकोले लागुऔषध गाँजा, लोड रहेको बलोरो र मोटरसाईकल समेत बरामद गरी जिल्ला प्रहरी कार्यालय गौरमा ल्याई थप अनुसन्धान कार्य भईरहेको प्रहरी उपरीक्षक वीर बहादुर बुढा मगरले जनाएकाे छ ।
