सागर संगम ठाकुर
रौतहट, २५ पुस । रौतहटको देवाही गोनाही नगरपालिकामा प्रथम मेयर कप क्रिकेट प्रतियोगिता सुरू भएको छ ।
धरहरी स्थित जय किसान बहु प्राबिधिक शिक्षालयकाे प्राङ्गणमा देवाही गोनाही नगरपालिकाका नगर प्रमुख प्रेमलाल साहले उदघाटन गरे पछि क्रिकेट प्रतियोगिता शुरु भएको हाे ।
धरहरी एक्सप्रेस क्रिकेट टिमका कप्तान सोहन साहको अध्यक्षतामा शुरु भएको मेयर कप क्रिकेट प्रतियोगिता प्रमुख आतिथी नगर प्रमुख साहले उदघाटन गर्नु भएको थियाे ।
क्रिकेट प्रतियोगितालाई सम्बोधन गर्दै नगर प्रमुख प्रमेलाल साहले क्रिकेटका खेलाडीहरुले खेल प्रति देखाएको रुचि प्रति आफ्नो समर्थन रहेको भन्दै खेलकुद खेलाडीहरु प्रति नगरपालिकाले सहयोग गर्ने बताउनु भयाे । नगर प्रमुख साहले खेलकुद मनाेरजंनकाे लागि मात्र नभई स्वास्थकाे लागि समेत फाइदाजनक रहेकाे भन्दै शिक्षाको साथै खेलकुदमा पनि ध्यान दिन जरुरी रहेको बताए ।
उदघाटन कार्यक्रममा प्रमुख अतिथिको रुपमा नगर प्रमुख प्रेमलाल साह रहनु भएको थियोे भने बिशिस्ट अतिथिकाे रुपमा उप मेयर परनिया देवी पटेल रहनु भएको थियाे । साे अवसरमा जनमत पार्टीका नेता बिरेन्द्र कुमार गुप्ता ईलाका प्रहरी कार्यलय देवाही गाेनाहीका प्रहरी निरिक्षक गाेबिन्द साह,शस्त्र प्रहरीका प्रमुख, श्री जय किसान माबिका प्रअ संजय गुप्ता, मौलापुर एफएमका समाचार प्रमुख सागर संगम ठाकुर ,स्थानीय भद्रभलादमी बुद्धिजीवी लगाएत हजारौंको संख्यामा स्थानीयवासी उपस्थिति रहेको थियोे ।
यसै बिच धरहरी स्थित जय किसान पोलिटेक्निक ईन्स्टिच्युटको प्राङ्गणमा साेमबार पहिलो दिन भएको धरहरी एक्सप्रेस र अकबर क्रिकेट कल्ब बिचकाे खेलमा धरहरी एक्सप्रेस टिम बिजय भएको छ।
टस जितेर पहिलो बैटिङ्ग गरेको धरहरी एक्सप्रेस टिमले अकबर क्रिकेट कल्ब जिगडवालाई १०९ रनले पराजित गरेकाे छ ।
साेमबार भएको खेलमा धरहरी एक्सप्रेस टिमका खेलाडी मिकचलले १२८ रनको योगदान दिएको थियो ।
धरहरी टिमले दिएको १०९ रनको लक्ष्य जिगडवा टिमले पुरा ओभरमा १०८ रन बनाउदै पराजित भए ।
