रौतहट ।
माघ ५ गते ।
जनमत पार्टीका अध्यक्ष डा. सीके राउतले मधेश आन्दोलनमा शहीद भएकाहरुको सम्झनामा संसदमा मौनधारण गराएका छन् । प्रधानमन्त्री पुष्पकमल दाहाल प्रचण्ड र राप्रपा का अध्यक्ष तथा उर्जामन्त्री राजेन्द्र लिङ्गदेन, कृषि मन्त्री ज्वाला साह भने उठेनन्, उपप्रधानमन्त्री तथा गृहमन्त्री रवि लामिछाने र काग्रेसको सबै सान्सद भने उठे थियो ।
प्रतिनिधिसभामा सभामुखको निर्वाचन भइरहेको छ । सत्तारुढ गठबन्धनबाट एमालेका देवराज घिमिरे र कांग्रेसबाट ईश्वरी न्यौपाने उम्मेदवार छन् ।
मतदानअघि संसदमा भएको छलफलमा भाग लिँदै राउतले मधेशी र थारु समुदायलाई भित्तामा धकेलेर राष्ट्रिय सहमतिको नारा दिएको भन्दै असन्तुष्टि जनाए ।
मधेश आन्दोलनमा मृत्यु भएकाहरुलाई राज्यले शहीद घोषणा गरेको, तर संसदले नसम्झिएको भन्दै राउतले विरोध जनाए ।
मधेश बलिदानी दिवसको अवसरमा एक मिनेट मौन धारण गर्न चाहेको भन्दै उनले भने, ‘यसमा तपाईहरुले सम्मान दिन सक्नुहुन्छ कि सक्नु हुन्न ? उनले रोष्टममै उभिएर मौन धारण गर्दा सांसदमा केही उठे, केही उठेनन् । सुरुमा मधेश केन्द्रित दलका सांसदहरु मात्र उठेका थिए, त्यसपछि अरु सांसदहरु पनि उठे ।
संसदमा सीके राउतले गराए मौन धारण, प्रधानमन्त्री प्रचण्ड, उर्जामन्त्री राजेन्द्र लिङ्गदेन र कृषि मन्त्री ज्वाला साह उठेन
