रौतहट, ८ माघ । रौतहटको सदरमुकाम गौरमा आइतबार कुष्ठ रोग निवारण सम्बन्धि संचारकर्मीसँग एक दिने अभिमुखि कार्यक्रम सम्पन्न भएको छ ।
नेपाल पत्रका महासंघ रौतहट शाखाको सभा कक्षमा कुष्ठ रोग निवारण सम्बन्धि संचाकर्मी संगको अन्तरक्रिया कार्यक्रममा कुष्ठ रोग निवारण बारे जानकारी गराउदै जिल्ला स्वास्थ्य कार्यालय रौतहटका प्रमुखले कुष्ठ रोग अब निको हुने रोग भएको वताए । उनले भने ‘कुष्ठ रोग सरुवा रोग भए पनि जुन व्यक्तिमा रोग संग लडने क्षमता हुदैन त्यही व्यक्तिमा मात्र सर्ने गर्छ’ ।
अरुले संगै बसे पनि केही फरक नपर्ने उनले वताए । २०६६ माघ ५ गते नै नेपाल कुष्ठ रोग निवारण घोषणा भए पनि मधेस प्रदेशमा हाल पनि कुष्ठ रोगको जोखिम रहेको वताए ।। रौतहट जिल्लामा जम्मा १४२ जना यस रोगबाट प्रभावित रहेको उनले बताए। रौतहट जिल्लामा सबैभन्दा बढी कुष्ठ रोगबाट प्रभावित चन्द्रपुर नगरपालिका रहेको छ भन्ने सबैभन्दा कम यमुनामाई गाउपालिका रहेको तथ्यांकले जनाएको छ।
रौतहटको १८ वटै स्थानीय तहको तथ्यांक अनुसार चन्द्रपुर नपामा २२ र सबभन्दा कम यमुनामाईमा २ गरि जम्मा १४५ जनामा कुष्ठ रोगी फेला परेको र तिनीहरुको औषधी पनि चलिरहेको उनलेे वताए । कार्यक्रममा वोल्दै स्वास्थ्य कार्यालय प्रमुखले कुष्ठ रोग निवारण अभियान प्रभावकारी रुपमा संचालन गर्न आवश्यक रहेको बताए ।
कुष्ठ रोगी फेला परे पनि त्यसको नाम गोप्य राखी समाजमा अपहेलित नहुने हिसाबले उपचार गर्नु पर्ने समेत उनलेे बताए ।
