रौतहट,०१ फागुन I सिराहाको गोलबजारमा रहेको सिराहा सुपर मार्केटद्वारा सञ्चालित एवीमलको गोदाममा आगलागी भएको छ ।
गोलबजार नगरपालिका ४ मा रहेको एवीमलको गोदाममा आइतबार अपराह्न विद्युत् सर्ट भएर आगलागी भएको प्रहरीले जनाएको हो। आगलागी हुँदा करोडौं मूल्य बराबरको खाद्यान्न, कपडा, इलेकट्रोनिक्स, फर्निचर, भान्साका सामाग्री जलेर नष्ट भएको प्रहरीले जनाएको छ । आगलागीबाट करिब पाँच करोड ५० लाखभन्दा बढीको सामाग्री काम नलाग्ने भएको एवीमलका प्रमुख कार्यकारी अधिकृत पीन्टु राउतले जानकारी दिए । आगलागीबाट गोदामको भवनमा पनि क्षति पुगेको राउतले बताए ।
इलाका प्रहरी कार्यालय गोलबजारका प्रमुख इन्स्पेक्टर राजु केसीका अनुसार आगो नियन्त्रणमा ल्याइएको छ । क्षतिको विवरण आउन बाँकी रहेको उनले बताए । स्थानीय, गोलबजर नगरपालिका, सिराहा नगरपालिका र लहान नगरपालिकाको दमकलले ३ घण्टा लगाएर आगो नियन्त्रणमा लिएको प्रहरीले जनाएको छ ।
