रौतहट, २८ माघ। राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) आज बुधबार बिहान ११ बजे सर्लाहीको कर्मैया हुँदै रौतहट प्रवेश गर्ने भएका छन् ।
बालेन हात हल्लाउदै जनताहरुलाई अभिवादन गरी रोड शो गर्दै रौतहट प्रवेश आवगमनबाट राजनीतिक वृतमा कौतुहल्ता छाएका हुन् ।
चुनावी प्रचार तथा जनसम्पर्क अभियान अन्तर्गत रौतहट आउन लागेका शाहलाई चन्द्रनिगाहपुर तयारी गरिएको छ । रास्वपा चन्द्रपुर नगर समितिका संयोजक सुरेन्द्र सापकोटाका अनुसार बागमती चोक, चन्द्रपुर चोकदेखि बालचनपुरसम्म पर्ने गौर रोडका विभिन्न चोक–चोकमा भव्य स्वागत कार्यक्रम आयोजना गरिनेछ ।
चन्द्रपुर नगरपालिकाका सम्पूर्ण पार्टी कार्यकर्ता, समर्थक तथा आम नागरिकलाई कार्यक्रममा उपस्थित भई ऐतिहासिक स्वागतमा सहभागी हुन आग्रह गरेका छन् । युवा पुस्तामाझ लोकप्रिय र भ्रष्टाचारविरुद्ध कडा धारणा राख्ने नेताका रूपमा चिनिएका बालेनको उपस्थितिले रौतहटमा रास्वपाको चुनावी गतिविधि थप आक्रामक हुने अपेक्षा गरिएको छ ।
यसैबीच, भोलि हुने बालेन शाहको रौतहट यात्रालाई सुरक्षित र व्यवस्थित बनाउन जिल्ला प्रहरी कार्यालय रौतहटका प्रहरी प्रमुख एसपी सिताराम रिजालसँग आवश्यक समन्वय तथा छलफल रास्वपाले गरेको छ । एसपी रिजाल संग जिल्ला प्रहरी कार्यालय गौरमा क्षेत्र नम्वर १, २, ३ सम्मका उम्मेदवारहरु बालेन शाहको सुरक्षा व्यवस्थालाई बन्दोवस्त मिलाइदिन छालफल गरे ।
वरिष्ठ नेता शाह चन्द्रपुर, गरुडा, गौर, टिकुलियाँ घाट, औरैया, लवतना, डुमरिया, कुडिया, राजपुर हाई स्कुल हुँदै दमार लौकाहा, बसन्तपट्टि र बन्कुल हनुमान मन्दिर चौकसम्मको कार्यक्रम रहेको बुझिएको छ ।
