मोटरसाइकल दुर्घटना हुँदा एकको मुत्यु, एक जना गम्भीर घाइते

रौतहट,१७ चैत्र। रौतहटस्थित पूर्वपश्चिम महेन्द्र राजमार्गमा मोटरसाइकल दुर्घटनाहुँदा एक जनाको मृत्यु भएको छ । उक्त दुर्घटनामा एक जना गम्भीर घाइते भएका छन्। चन्द्रनिगाहपुरको चाँदी पुलमा गएराति पश्चिमबाट पूर्व जाँदै गरेको प्रदेश २ –२–००४ प ३०४७ नम्बरको मोटर साइकल दुर्घटना भएको थियो ।

मोटर साइकलमा पछाडि बसेकी सर्लाही हरिपुर नगरपालिका २ घर भएकी ४० वर्षीया राजकुमारी चौधरीको घटना स्थालमै मुत्यु भएको प्रहरीले जनाएको छ ।

मोटर साईकल चालक धनुषाको औरही ४ का ४५ वर्षीय अरुण कुमार मण्डल गम्भीर घाइते भएका छन्। मण्डललाई थप उपचारमा लागि एम्बुलेन्समा वीरगञ्ज पठाइएको ईलाका प्रहरी कार्यालय चन्द्रनिगाहपुरका प्रमूख डिएसपी एक नारायण कोइरालाले बताएका छन।