सवारी दुर्घटनामा वडाअध्यक्ष अधिकारीको मृत्यु

रौतहट,१० वैशाख। कीर्तिपुर नगरपालिका वडा-४ का वडा अध्यक्ष श्यामकुमार अधिकारीको निधन भएको छ।

सवारी दुर्घटनाबाट घाइते भएका अधिकारीको उपचारको क्रममा निधन भएको नगरपालिका वडा-४ का नगरसभा सदस्य अनिल बास्कोटाले जानकारी दिए।

उनका अनुसार अन्नपूर्ण न्युरो अस्पतालमा उपचारको क्रममा आइतबार दिउँसो मृत्यु भएको हो।

वैशाख १ गते  कीर्तिपुर-४ पुष्पलाल पार्कस्थित ओरालोमा बा ८३प ९४४८ नम्बरको मोटरसाइकल दुर्घटना परी घाइते भएको नगरसभा सदस्य बाँस्कोटाले जानकारी दिए। घाइते भएपछि उनको अन्नपूर्ण न्युरो अस्पतालमा उपचार भइरहेको थियो।