रमेश कुमार यादव
रौतहट,१२ पुस। स्थानीय बासिन्दाहरु संग रकम खोसी भाग्ने दुई जना लुटेरालाई रौतहट प्रहरीले विहिवार नियन्त्रणमा लिएका छन् ।
बिहिबार कटहरिया नगरपालिका वडा नम्वर ४ बहादुरपुर बस्ने बाबुलाल बैठाको छोरा नसिव बैठा र सोही पालिका ५ पानी ट्यांकी बस्ने दरोगा साहको ३६ बर्षिय छोरा हरिशंकर साह सोनारलाई ५९ हजार रुपैया सहित इलाका प्रहरी कार्यालय गरुडाबाट खटिएका प्रहरी टोलीले नियन्त्रणमा लिएको जिल्ला प्रहरी कार्यालय रौतहटले जनाएका हुन् ।
कटहरिया नगरपालिकाको ७० बर्षिय आलम मिया मन्सुरीलाई दुबै जनाले ललाई फकाई मदिरा सेवन गराएर नियन्त्रणमा लिई जबरजस्ती ८२ हजार नगद रकम लुटी भागेको खवर पाउना साथ इलाका प्रहरी कार्यालय गरुडाबाट खटिएको टोलीले खोजतलासको क्रममा दुबै अभियुक्तलाई नियन्त्रणमा लिई ५९ हजार रकम बरामद गर्न सफल भएको तथा दुबै जनालाई इप्रका गरुडाको हिरासतमा राखेर चोरी तथा डाका सम्बन्धी कसुरमा थप अनुसन्धान भईरहेको रौतहट प्रहरीको प्रवक्ता एवं डिएसपी एलिजा गिरीले जानकारी दिइन् ।
